Ali təhsil pilləsi üzrə ixtisasların təsnifatları təsdiq edilib
Ali təhsil pilləsi üzrə ixtisasların təsnifatı təsdiq edilib.
Reportyorinfo.az AZƏRTAC-a istinadən xəbər verir ki, bununla bağlı Baş nazir Əli Əsədov Nazirlər Kabinetinin Qərarını imzalayıb. Qərara əsasən, “Ali təhsilin bakalavriat səviyyəsi üzrə ixtisasların Təsnifatı”, “Ali təhsilin əsas (baza ali) tibb təhsili səviyyəsi üzrə ixtisasların Təsnifatı”, “Ali təhsilin magistratura səviyyəsi üzrə ixtisasların Təsnifatı”, “Ali təhsilin rezidentura səviyyəsi üzrə ixtisasların Təsnifatı” təsdiq edilib.
Qərara əsasən, ali təhsilin bakalavriat səviyyəsi üzrə ixtisasların təsnifatı təhsil ixtisasları qrupunu, humanitar və sosial ixtisaslar qrupunu, mədəniyyət ixtisasları qrupunu, iqtisadiyyat və idarəetmə ixtisasları qrupunu, təbiət ixtisasları qrupunu, texniki və texnoloji ixtisaslar qrupunu, kənd təsərrüfatı ixtisasları qrupunu, idman və xidmət ixtisasları qrupunu, səhiyyə ixtisasları qrupunu, xüsusi təyinatlı ixtisaslar qrupunu əhatə edir.
Ali təhsilin magistratura səviyyəsi üzrə ixtisaslarının təsnifatı təhsil ixtisasları qrupunu, humanitar və sosial ixtisaslar qrupunu, mədəniyyət ixtisasları qrupunu, iqtisadiyyat və idarəetmə ixtisasları qrupunu, təbiət ixtisasları qrupunu, texniki və texnoloji ixtisaslar qrupunu, kənd təsərrüfatı ixtisasları qrupunu, idman və xidmət ixtisasları qrupunu, səhiyyə ixtisasları qrupunu, xüsusi təyinatlı ixtisaslar qrupunu əhatə edir.
