Bu il ölkəmiz idman tarixində mühüm yeniliyə imza ataraq ilk dəfə UFC üzrə beynəlxalq turnirə ev sahibliyi etdi. Bu hadisə Azərbaycanın təkcə ənənəvi idman növlərində deyil, həm də qlobal döyüş idmanları arenasında yer aldığını nümayiş etdirdi. Turnirin keçirilməsi ölkənin idman xəritəsində yeni bir istiqamətin formalaşdığını göstərdi.
Yarışa dünyanın müxtəlif ölkələrindən tanınmış döyüşçülər qatıldı və bu da tədbirin beynəlxalq diqqət mərkəzinə çevrilməsinə səbəb oldu. Oktqon üzərində baş verən gərgin qarşılaşmalar tamaşaçılara yüksək səviyyəli idman mübarizəsi təqdim etdi. Eyni zamanda, turnir Azərbaycan tamaşaçısının UFC kimi nüfuzlu təşkilatla canlı təmas qurmasına imkan yaratdı.
Tədbirin təşkilati səviyyəsi və texniki təminatı müsbət qiymətləndirildi. Arena seçimi, təhlükəsizlik tədbirləri və yayım keyfiyyəti ölkənin bu tip iri miqyaslı yarışları qəbul etmək potensialını ortaya qoydu. Bu uğurlu təşkilatçılıq beynəlxalq idman qurumlarının Azərbaycana olan etimadını daha da artırdı.
UFC turnirinin ölkəmizdə keçirilməsi gənclər arasında döyüş idmanlarına marağı əhəmiyyətli dərəcədə gücləndirdi. Yeni idman istiqamətlərinə açılan bu qapı gələcəkdə yerli idmançıların beynəlxalq səviyyədə yetişməsinə stimul verə bilər. Beləliklə, bu turnir Azərbaycan idman həyatında uzunmüddətli təsirə malik bir başlanğıc kimi dəyərləndirilir.
Ləman Məmmədova,
YAP Xəzər rayon təşkilatının fəalı
