Azərbaycan tarixinin ən faciəvi və eyni zamanda milli yaddaşı formalaşdıran hadisələrindən biri olan Xocalı soyqırımı Azərbaycan xalqının yaddaşında sağalmaz yara kimi yaşayır və bu faciənin qurbanlarının xatirəsinin əbədiləşdirilməsi məqsədilə inşa olunmuş Xocalı Soyqırımı Memorialının açılış mərasimində Prezident İlham Əliyevin etdiyi çıxış təkcə bir anım nitqi deyil, bütövlükdə Azərbaycanın tarixi həqiqətlərə söykənən mövqeyinin, milli iradəsinin və ədalətə olan inamının parlaq ifadəsi kimi yadda qalmışdır, çünki dövlət başçısı bu çıxışında Xocalı faciəsinin mahiyyətini, səbəblərini, nəticələrini və beynəlxalq miqyasda qiymətləndirilməsinin zəruriliyini dərin siyasi və mənəvi məzmunla diqqətə çatdırmış, 1992-ci ilin fevralında Xocalı şəhərində dinc azərbaycanlı əhaliyə qarşı törədilmiş misli görünməmiş vəhşiliklərin təsadüfi deyil, uzun illər məqsədyönlü şəkildə həyata keçirilmiş etnik təmizləmə və işğal siyasətinin tərkib hissəsi olduğunu xüsusi vurğulamışdır, Prezident çıxışında qadınların, uşaqların, qocaların amansızlıqla qətlə yetirilməsini insanlığa sığmayan cinayət kimi qiymətləndirərək bu faciənin yalnız Azərbaycan xalqına deyil, bütün bəşəriyyətə qarşı törədilmiş ağır bir soyqırımı aktı olduğunu qeyd etmiş, eyni zamanda bu cinayəti törədənlərin hələ də beynəlxalq hüquq qarşısında lazımi cəzanı almadığını təəssüflə ifadə etmişdir, dövlət başçısının sözlərinə görə, Xocalı Soyqırımı Memorialı təkcə hüzn və matəm məkanı deyil, həm də tarixi yaddaşın qorunduğu, gələcək nəsillərin bu acı həqiqətləri unutmaması üçün yaradılmış mühüm ideoloji və mənəvi mərkəzdir, çünki xalqın tarixi yaddaşı olmadan onun gələcəyinin möhkəm təməl üzərində qurulması mümkün deyil,
Prezident İlham Əliyev çıxışında Azərbaycan dövlətinin Xocalı faciəsinin dünya ictimaiyyətinə çatdırılması istiqamətində apardığı ardıcıl siyasətdən bəhs edərək bildirmişdir ki, bu gün artıq bir sıra ölkələrin parlamentləri və beynəlxalq təşkilatlar Xocalı soyqırımını tanıyır və bu proses davam edir, o vurğulamışdır ki, Azərbaycan həqiqətləri gec də olsa, öz yerini tapır və ədalət geciksə də, mütləq bərqərar olur, dövlət başçısı həmçinin qeyd etmişdir ki, Xocalı qurbanlarının xatirəsi Azərbaycan xalqının qəlbində əbədi yaşayacaq və bu faciə heç vaxt unudulmayacaq, çünki unudulan tarix təkrarlanır, Prezident çıxışında Azərbaycanın son illərdə keçdiyi şərəfli yoldan danışaraq bildirmişdir ki, xalqın birliyi, ordunun gücü və siyasi iradənin qətiyyəti sayəsində ölkəmiz öz ərazi bütövlüyünü bərpa etmiş, uzun illər işğal altında qalmış torpaqlarını azad etmiş və bununla da Xocalı şəhidlərinin ruhu qarşısında mənəvi borcunu yerinə yetirmişdir, onun sözlərinə görə, bu gün azad edilmiş torpaqlarda həyat yenidən canlanır, dağıdılmış şəhər və kəndlər bərpa olunur, məcburi köçkünlər doğma yurdlarına qayıdırlar və bu proses Xocalı qurbanlarının xatirəsinə ən böyük ehtiram nümunəsidir, Prezident İlham Əliyev memorialın memarlıq və bədii ideyasına da toxunaraq bildirmişdir ki, bu abidə Xocalı faciəsinin ağrısını, xalqın kədərini və eyni zamanda sarsılmaz iradəsini özündə əks etdirir, o qeyd etmişdir ki, memoriala gələn hər bir insan burada təkcə keçmişi xatırlamır, həm də gələcək üçün dərs alır, çünki bu abidə bizə bir daha xatırladır ki, güclü dövlət, güclü ordu və milli birlik olmadan xalqın təhlükəsizliyini təmin etmək mümkün deyil, dövlət başçısı çıxışında Xocalı soyqırımının təşkilatçıları və icraçıları haqqında danışaraq onların tarix qarşısında cinayətkar kimi qalacaqlarını, Azərbaycan xalqının isə öz haqlı mübarizəsi ilə qalib xalq kimi tarixə düşdüyünü vurğulamışdır, o, gənc nəslə müraciət edərək bildirmişdir ki, Xocalı faciəsini unutmaq olmaz, lakin bu faciə nifrət yox, ədalət uğrunda mübarizə ruhu formalaşdırmalıdır, çünki Azərbaycanın yolu qisas deyil, beynəlxalq hüquqa və humanist dəyərlərə söykənən ədalət yoludur,
Prezident İlham Əliyev sonda memorialın yaradılmasında əməyi olan hər kəsə, memarlara, tarixçilərə və bu müqəddəs işi dəstəkləyən Azərbaycan xalqına təşəkkürünü bildirərək qeyd etmişdir ki, Xocalı soyqırımı qurbanlarının xatirəsi əbədi yaşayacaq, bu memorial isə gələcək nəsillər üçün həm bir yaddaş kitabı, həm də milli ləyaqət və qürur simvolu olacaqdır.
Sahil Əliyev,
Yeni Azərbaycan Partiyası, məsləhətçi
