Azərbaycan Respublikasının Prezidenti İlham Əliyevin Avropa çempionatında komanda hesabında çempion olan güləşçilərlə görüşü yalnız idman hadisəsi kimi deyil, həm də dövlət siyasətinin mühüm istiqamətlərindən birinin – gənclər və idman strategiyasının uğurlu nəticəsi kimi qiymətləndirilməlidir. Bu qəbul, ölkədə idmanın inkişafına göstərilən yüksək diqqətin və əldə olunan nailiyyətlərin dövlət səviyyəsində qiymətləndirilməsinin bariz nümunəsidir.
Dövlət başçısı çıxışında milli komandamızı Avropa Güləş Çempionatında qazandığı möhtəşəm qələbə münasibətilə təbrik edərək vurğulamışdır ki, bu uğur bütövlükdə Azərbaycan xalqının qələbəsidir. Komanda hesabında Avropa çempionu olmaq, xüsusilə də müasir dövrdə güləş kimi yüksək rəqabətli idman növündə lider mövqeyə yüksəlmək, ölkənin idman potensialının gücünü nümayiş etdirir. Bu nailiyyət eyni zamanda Azərbaycan idmançılarının beynəlxalq arenada sabit və davamlı uğurlar əldə etmək qabiliyyətini təsdiqləyir.
Qeyd edilməlidir ki, hazırda dünyada və Avropada güləş üzrə rəqabət son dərəcə kəskin xarakter almışdır. Müxtəlif ölkələrdən olan tanınmış və yüksək səviyyəli idmançıların iştirakı ilə keçirilən yarışlar daha gərgin və prinsipial mübarizə şəraitində baş tutur. Belə bir mühitdə Azərbaycan güləşçilərinin üstünlük qazanması onların peşəkarlığının, fiziki hazırlığının və psixoloji dayanıqlığının yüksək səviyyədə olduğunu göstərir. Prezidentin də qeyd etdiyi kimi, bəzi görüşləri şəxsən izləməsi və idmançılarımızın ədalətli mübarizədə rəqiblərini məğlub etməsi bu qələbənin nə qədər zəhmət və iradə tələb etdiyini bir daha sübut edir.
Azərbaycanın idman siyasəti sistemli və məqsədyönlü şəkildə qurulmuşdur. Son illər ərzində ölkədə müasir idman infrastrukturu yaradılmış, beynəlxalq standartlara cavab verən idman kompleksləri istifadəyə verilmiş, gənclərin idmana cəlb olunması üçün geniş imkanlar təmin edilmişdir. Bu siyasətin əsas məqsədi yalnız beynəlxalq yarışlarda uğur qazanmaq deyil, həm də sağlam və vətənpərvər gənc nəslin formalaşdırılmasıdır. Güləşçilərimizin Avropa çempionatındakı qələbəsi məhz bu uzunmüddətli strategiyanın real nəticəsidir.
Digər mühüm məqam isə idmanın dövlətin beynəlxalq imicinin formalaşmasında oynadığı roldur. Azərbaycan idmançıları müxtəlif beynəlxalq yarışlarda, o cümlədən Avropa və dünya çempionatlarında, Olimpiya Oyunlarında qazandıqları uğurlarla ölkəmizi layiqincə təmsil edir və onun nüfuzunu daha da artırırlar. Güləşçilərimizin bu qələbəsi də Azərbaycanın idman dövləti kimi mövqeyini bir daha möhkəmləndirmişdir.
Prezident İlham Əliyevin idmançılarla görüşü, eyni zamanda, motivasiya baxımından da böyük əhəmiyyət daşıyır. Dövlət başçısının diqqəti və dəstəyi idmançıların gələcək uğurlara daha inamla addımlamasına şərait yaradır. Bu cür görüşlər gənc idmançılar üçün də nümunə rolunu oynayaraq onların daha böyük məqsədlərə doğru istiqamətlənməsinə stimul verir.
Azərbaycan güləşçilərinin Avropa çempionatında komanda hesabında qazandığı qələbə yalnız idman nailiyyəti deyil, həm də dövlət siyasətinin uğurla həyata keçirilməsinin göstəricisidir. Bu uğur, ölkədə idmana göstərilən diqqət və qayğının, yaradılan şəraitin və həyata keçirilən strategiyanın məntiqi nəticəsidir. Prezident İlham Əliyevin bu münasibətlə idmançıları qəbul etməsi isə dövlətin bu sahəyə verdiyi önəmin və əldə olunan nailiyyətlərə yüksək dəyər verdiyinin növbəti təsdiqidir.
Azərbaycan idmanının gələcək inkişafı baxımından bu cür qələbələr mühüm stimul rolunu oynayır və ölkəmizin beynəlxalq arenada mövqelərini daha da gücləndirir. Güləşçilərimizin qazandığı bu tarixi uğur, şübhəsiz ki, gələcək nəsillər üçün də ilham mənbəyi olacaq və Azərbaycan bayrağının beynəlxalq yarışlarda daha da yüksəklərə qaldırılmasına xidmət edəcəkdir.
İslam Bafadarov,
Yeni Azərbaycan Partiyası,Məsləhətçi
