Azərbaycan Respublikası ilə Almaniya Federativ Respublikası arasında ikitərəfli münasibətlər uzun bir tarixi inkişaf yoluna malikdir və iki ölkə arasında siyasi, iqtidasi,mədəni və digər sahələrdə qarşılıqlı maraqlara əsaslanır. Bu əlaqələr həm də beynəlxalq səviyyədə mühüm əhəmiyyət kəsb edir.Həm Azərbaycan, həm də Almaniya beynəlxalq arenada bir-birini strateji tərəfdaş olaraq görür və bu, onların əlaqələrinin daha da inkişaf etməsinə təkan verir. Azərbaycan və Almaniya arasındakı əlaqələr XIX əsrə, xüsusilə 1817-ci ilə qədər gedib çıxır. Həmin dövrdə Almaniya arasında ticarət və mədəni əlaqələr mövcud idi. Sovetlər İttifaqı ilə Almaniya arasında olan əlaqələr çərçivəsində inkişaf etmişdi. 1991-ci ildən sonra, Azərbaycanın müstəqilliyini bərpa etməsindən sonra ikitərəfli münasibətlər yeni mərhələyə qədəm qoymuşdur.
Almaniya Fedarativ Respublikası Azərbaycan Respublikasının müstəqilliyini 12 yanvar 1992-ci il tarixində tanımışdır.İki ölkə arasında diplomatik münasibətlər 20 fevral 1992-ci il tarixində qurulmuşdur. Azərbaycanın Almaniyada Səfirliyi 2 sentyabr 1992-ci il tarixində açılmışdır. Almaniyanın Azərbaycanda Səfirliyi 22 sentyabr 1992-ci il tarixində açılmışdır. Azərbaycan və Almaniya arasında siyasi əlaqələr müsbət və konstruktiv xarakter daşıyır. İki ölkə arasında diplomatik əlaqələr 1992-ci ildə qurulub. O vaxtdan etibarən, hər iki tərəf bir -birinin suverenliyini və ərazi bütövlüyünü dəstəkləyir. Almaniya, Azərbaycan əlaqələrini həm ikitərəfli, həm də Avropa İttifaqı çərçivəsində inkişaf etdirməyə çalışır.
Azərbaycan müstəqilliyinin ilk illərindən etibarən Almaniya, ölkəmizin demokratiya, hüquq üzərində qurulmuş idarəetmə və bazar iqtisadiyyatı sahəsindəki islahatlarına dəstək verib. Bu baxımdan, Almaniyanın təcrübəsi və dəstəyi Azərbaycanın inkişafı üçün mühüm əhəmiyyət kəsb edir. Almaniya Azərbaycanın əsas iqtisadi tərəfdaşlarından biridir. Hər iki ölkə arasında ticarət dövriyyəsi və iqtisadi əməkdaşlıq illər ərzində artmışdır. Almaniyanın Azərbaycanla ən çox əməkdaşlıq etdiyi sahələrdən biri enerji sektorudur.Azərbaycan, neft və qaz ixrac edən bir ölkə olaraq Almaniyaya enerji tədarük edən mühüm tərəfdaşdır.Həmçinin, Almaniyanın avtomobil sənayesi, maşınqayırma, və yüksək texnologiyalar sahəsindəki şirkətləri Azərbaycanda mühüm investisiyalar həyata keçirirlər.
Ölkəmizin neft və qaz ehtiyatları Almanıyanın enerji ehtiyaclarını qarşılamaq üçün böyük əhəmiyyət kəsb edir. Almaniyanın şirkətləri Azərbaycanın enerji sektorunda birbaşa iştirak edərək lahiyələrdə yer alır. Həmçinin, Azərbaycandan ixrac edilən məhsullar arasında kənd təsərrüfatı məhsulları, qeyri-neft məhsulları və mədən sənayesi məhsulları yer alır.Təhsil və elm sahəsində Azərbaycan və Almaniya arasında sıx əməkdaşlıq mövcuddur. Almaniya, Azərbaycanlı tələbələr üçün bir çox təqaüd proqramları təklif edir. Bundan əlavə, Almaniyanın təhsil və elmi təşkilatları, xüsusilə Texniki Universitetlər və elmi institutlar, Azərbaycanda mütəxəsis hazırlığı və tədqiqat sahəsində əməkdaşlıq edir. Azərbaycan və Almaniya arasında mədəniyyət sahəsində də sıx əlaqələr mövcuddur. Hər iki ölkə müxtəlif sahələrdə mədəni mübadilə həyata keçirir. Bu, həm də qarşılıqlı təhsil proqramları, tələbə mübadiləsi və mədəni tədbirlər vasitəsilə mümkün olur.Almaniyanın Azırbaycandakı müxtəlif mədənikyyət institutları, o cümlədən Alman Mədəniyyət Mərkəzi, iki ölkə arasında mədəniyyət əlaqələrinin inkişafında mühüm rol oynayır. Eyni zamanda, Almaniyada yaşayan azərbaycanlı icması da bu əlaqələrin inkişafına öz töhfəsini verir. Bu icma, Azərbaycan ilə Almaniya arasında mədəni körpü rolunu oynayır və iki ölkə arasında daha sıx əlaqələrin qurulmasına dəstək olur.
Azərbaycan və Almaniya beynəlxalq təşkilatlarda, o cümlədən BMT,ATƏT, Şərq Tərəfdaşlığı, Avropa Şurası və digər beynəlxalq qurumlarda müştərək maraqlar əsasında əməkdaşlıq edirlər. Almaniya, Azərbaycanın müstəqillikyini və ərazi bütövlüyünü dəstəkləyən ölkələrdən biridir və Ermənistan-Azərbaycan münaqişəsi ilə bağlı Azərbaycanın mövqeyini dəstəkləyir. Ümumiyyətlə, Azərbaycan və Almaniya arasındakı ikitərəfli münasibətlər zaman-zaman daha da inkişaf edir və güclənir. Hər iki ölkə, qarşılıqlı hörmət və faydalı əməkdaşlıq prinsiplərinə sadiq qalaraq, bir birini həm siyasi, həm də iqtisadi sahələrdə gücü tərəfdaş olaraq görür. Bu əlaqələr həmçinin regionda və beynəlxalq aləmdə müsbət təsir göstərir. Gələcəkdə daha geniş sahələrdə əməkdaşlıq gözlənilir və bu hər iki ölkə üçün faydalı nəticələr verəcəkdir.
Zeynalova Türanə,
Xəzər rayonu, 262 nömrəli tam orta məktəbin müəllimi
