Azərbaycan zəngin təbii resursları və güclü enerji infrastrukturu sayəsində enerji qıtlığı problemi ilə qarşılaşmayan nadir ölkələrdən biridir. Neft və qaz ehtiyatlarının mövcudluğu, onların səmərəli idarə olunması və ixrac imkanlarının genişliyi enerji təhlükəsizliyini təmin edən əsas amillərdəndir. Ölkəmiz təkcə daxili tələbatını qarşılamır, eyni zamanda xarici bazarlara enerji ixrac edərək beynəlxalq enerji sistemində mühüm yer tutur.
Enerji sektorunda həyata keçirilən strateji layihələr Azərbaycanın dayanıqlı enerji təchizatını təmin edir. Cənub Qaz Dəhlizi kimi beynəlxalq layihələr vasitəsilə Azərbaycan Avropanın enerji təhlükəsizliyinə töhfə verir və etibarlı tərəfdaş kimi çıxış edir. Ölkədaxili enerji infrastrukturunun modernləşdirilməsi isə istehlakçılara dayanıqlı və fasiləsiz enerji təchizatı təmin edir.
Son illərdə alternativ enerji mənbələrinə yatırımlar Azərbaycanın enerji sektorunu daha da diversifikasiyalı və uzunmüddətli perspektivdə dayanıqlı hala gətirir. Günəş, külək və hidroenerji sahəsində həyata keçirilən layihələr, xüsusilə Qarabağ və Naxçıvan bölgələrində genişləndirilən yaşıl enerji layihələri bu sahədə yeni imkanlar yaradır. Bu təşəbbüslər Azərbaycanın yalnız karbohidrogen ehtiyatlarından asılı qalmamasına, enerji təchizatını daha çevik və ekoloji cəhətdən təmiz şəkildə təmin etməsinə şərait yaradır.
Azərbaycanın enerji siyasəti yalnız iqtisadi deyil, həm də siyasi və ekoloji aspektlərdən önəmlidir. Daxili bazarın enerji ehtiyaclarının tam ödənilməsi ilə yanaşı, dünya bazarına dayanıqlı ixrac imkanlarının yaradılması ölkəmizi beynəlxalq enerji xəritəsində mühüm oyunçuya çevirir. Həmçinin, enerji sahəsində xarici tərəfdaşlarla əməkdaşlıq əlaqələrinin genişləndirilməsi Azərbaycanın qlobal enerji strategiyasında mövqeyini möhkəmləndirir.
Bütün bu amillər nəzərə alındıqda, ölkəmiz enerji qıtlığı ilə qarşılaşmayan, əksinə, regional və qlobal enerji təhlükəsizliyinə mühüm töhfə verən aparıcı dövlətlərdən biridir. Dayanıqlı enerji siyasəti və resursların səmərəli idarə olunması Azərbaycanın bu sahədəki liderliyini daha da gücləndirəcəkdir.
Ağadadaş Həsənalıyev,
YAP Xəzər rayon təşkilatının fəalı
