2026-cı ilin may ayında Bakı şəhəri beynəlxalq şəhərsalma dünyasının qəlbinə çevrilərək, Ümumdünya Şəhərsalma Forumunun 13-cü Sessiyasına qucaq açdı. Bu qlobal tədbir 182 ölkədən 45 mindən artıq qonağı bir araya gətirməklə, şəhərsalma sahəsində misli görünməmiş bir maraq və rekord göstəriciyə imza atdı. COP29-dan sonra ölkəmizdə keçirilən ən böyük beynəlxalq tədbir olan bu Forum, sadəcə memarlıq və infrastruktur haqqında deyil, həm də xalqımızın öz torpağına olan sonsuz sevgisinin və inkişaf əzminin dünyaya bir nümayişidir.
Azərbaycanın şəhərsalma siyasəti sadəcə beton və şüşədən ibarət deyil; bu, bizim min illik tarixi köklərimizə olan müqəddəs hörmətimizin və gələcəyə olan sarsılmaz inamımızın vəhdətidir. Bakının küçələrində addımlayarkən, İçərişəhərin əsrlərin yorğunluğunu və vüqarını daşıyan qədim qala divarlarının bir neçə metrliyində tamamilə müasir, ruhu oxşayan bir mühitlə qarşılaşmaq insanı heyran edir. Bakı Bulvarının 3 kilometrdən 15 kilometrdən artıq bir məkana çevrilməsi, keçmişin və gələcəyin necə ahəngdar bir şəkildə qovuşduğunun ən canlı şahididir.
Azərbaycanın digər qədim şəhərləri də bu torpağın yaddaşıdır və hər biri öz memarlığı ilə fərəh və qürur mənbəyimizdir:
Hökumətimizin qarşısında duran ən ali vəzifə, 30 il işğalın qaranlığına məhkum edilən, “Qafqazın Xirosiması” adlandırılan o viran qoyulmuş Ağdamın, Şuşanın və digər Qarabağ və Şərqi Zəngəzur torpaqlarının yaralarını sarımaq, onları yenidən həyata qaytarmaqdır. Bu gün həmin torpaqlarda qazandığımız hər uğur, hər yeni ev, hər bir körpü – torpağın əsl sahiblərinin onu necə böyük sevgi və fədakarlıqla yenidən dirçəltdiyinin təzahürüdür. Cəmi beş il ərzində 70 kilometr tunellər çəkilmiş, 435 körpü, elektrik stansiyaları və üç beynəlxalq hava limanı inşa edilmişdir. Şuşa şəhəri indi sıfırdan, eşqlə yenidən qurulur və onun zədələnmiş qalası əcdadlarımızın ruhuna hörmətlə bərpa edilib. Hazırda 85 mindən artıq soydaşımız öz yurdlarına dönərək, orada böyük bir ümidlə yaşayır və gələcəyini qurur.
Bakının keçmişdəki “Qara şəhər” kimi tanınan çirklənmiş sənaye zonalarının bu gün şəhərsalmanın parlaq nümunəsi olan “Ağ şəhərə” çevrilməsi, təbiəti yenidən qazanmağımızın ən gözəl hekayəsidir. Son 20 il ərzində yaradılan 100-dən artıq park və ictimai məkan, mikromobillik və elektrik avtobusları, bizim təbiətə və hər bir vətəndaşımızın sağlamlığına olan sonsuz qayğımızın nişanəsidir. Prezident İlham Əliyevin Forumdakı sözləri bizim şəhərsalma fəlsəfəmizi sanki bir şeir kimi ifadə edir: biz inkişafda və müasirləşmədə “Formula 1” pilotları kimi cəsur olmalı, lakin tarixi irsimizin bir zərrəsinin belə qorunmasında son dərəcə ehtiyatlı və həssas davranmalıyıq. “Şəhərsalma və Memarlıq İli” elan olunan bu dövrdə Azərbaycan, keçmişi ilə qürur duyan və gələcəyini sevgi ilə inşa edən bir dövlət kimi qətiyyətlə irəliləyir.
Dilarə Musayeva,
Xəzər rayonu, 119 №li tam orta məktəbin tarix müəllimi,
