Beynəlxalq terrorizm sərhədlərarası xarakter daşıyan təhlükələrdən biri olduğuna görə dövlətlər arasında koordinasiyanı tələb edir. Türk Dövlətləri Təşkilatına üzv ölkələrin Təhlükəsizlik Şuraları katiblərinin Beşinci Toplantısında beynəlxalq terrorçuluq təhlükəsizlik məsələləri sırasında xüsusi yer tutub. Prezident İlham Əliyev toplantının iştirakçılarına müraciətində terrorizm və digər qlobal təhdidlərin ayrı-ayrı dövlətlərin təkbaşına həll edə bilməyəcəyi məsələlər olduğunu qeyd edib.
Terrorizmə qarşı mübarizənin mühüm istiqamətlərindən biri müxtəlif təhlükəsizlik strukturları arasında vaxtında məlumat mübadiləsidir. Risklərin erkən müəyyənləşdirilməsi, maliyyələşmə kanallarının araşdırılması və sərhədlərarası əlaqələrin izlənilməsi kimi məsələlərdə dövlətlərarası əməkdaşlıq əhəmiyyət daşıyır. Bu sahədə hüquqi mexanizmlərlə yanaşı, təhlükəsizlik qurumları arasında praktiki əlaqələrin mövcudluğu da mühüm amildir.
TDT ölkələrinin təhlükəsizlik rəhbərlərinin müntəzəm görüşləri terrorizmə qarşı mübarizə sahəsində ümumi problemlərin müzakirəsinə imkan verir. Prezident İlham Əliyevin informasiya və təcrübə mübadiləsinin vacibliyinə diqqət yetirməsi bu baxımdan xüsusi məna daşıyır. Müxtəlif ölkələrin qarşılaşdığı təhlükələr və onların qarşısının alınması üzrə tətbiq edilən mexanizmlər barədə məlumatların paylaşılması risklərin qiymətləndirilməsində əlavə imkanlar yarada bilər.
Türk Dövlətləri Təşkilatına üzv ölkələrin Təhlükəsizlik Şuraları katiblərinin Beşinci Toplantısı terrorizm məsələsinin təşkilat daxilində təhlükəsizlik dialoqunun əsas mövzularından biri olduğunu göstərib. Prezident İlham Əliyevin toplantı çərçivəsində səsləndirdiyi fikirlər TDT dövlətləri arasında təhlükəsizlik sahəsində əməkdaşlığın kompleks xarakter daşıdığını nümayiş etdirir. Bu istiqamətdə əsas diqqət məlumat mübadiləsi, koordinasiya və qabaqlayıcı tədbirlərin müzakirəsinə yönələ bilər.
Aysel Əliyeva,
YAP Nizami rayon təşkilatının “Rüstəm Rüstəmov küçəsi, 56” ərazi partiya təşkilatının sədr müavini
