2026-cı il martın 11-də Azərbaycan Respublikasının Prezidenti İlham Əliyev Avropa İttifaqı Şurasının Prezidenti Antonio Costa ilə Bakıda keçirilən görüşdən sonra mətbuata bəyanatla çıxış edib. Prezident öz çıxışında Azərbaycan ilə Avropa İttifaqı arasında mövcud əməkdaşlığın inkişaf etdiyini və tərəflər arasında qarşılıqlı etimada əsaslanan münasibətlərin daha da möhkəmləndiyini vurğulayıb. Dövlət başçısı bildirib ki, Azərbaycan ilə European Council və ümumilikdə Avropa İttifaqı arasında siyasi dialoq, enerji təhlükəsizliyi, iqtisadi əməkdaşlıq və regional sabitlik kimi sahələrdə mühüm tərəfdaşlıq mövcuddur. Onun sözlərinə görə, Azərbaycan Avropanın enerji təhlükəsizliyində etibarlı tərəfdaş kimi çıxış edir və həyata keçirilən iri enerji layihələri bu əməkdaşlığı daha da gücləndirir.
Daha sonra o, qeyd edib ki, Azərbaycan tərəfindən həyata keçirilən enerji və nəqliyyat layihələri Avropa ilə region arasında strateji əlaqələri möhkəmləndirir. Xüsusilə Cənub Qaz Dəhlizi kimi təşəbbüslər Avropanın enerji mənbələrinin şaxələndirilməsinə mühüm töhfə verir. Bu baxımdan Azərbaycan Avropa ölkələri üçün sabit və etibarlı tərəfdaş kimi öz mövqeyini qoruyur. Dövlət başçısı Cənab İlham Əliyev həmçinin vurğulayıb ki, Azərbaycan Avropa İttifaqı ilə əlaqələrin inkişafına böyük önəm verir və müxtəlif sahələr üzrə əməkdaşlığın genişləndirilməsi üçün geniş imkanlar mövcuddur. Görüş zamanı tərəflər siyasi münasibətlər, iqtisadi layihələr, enerji sahəsində əməkdaşlıq və regional təhlükəsizlik məsələləri ətrafında geniş fikir mübadiləsi aparıblar.
Prezident İlham Əliyev bəyanatında bildirib ki, Azərbaycan regionda sülhün və sabitliyin təmin olunmasına xüsusi diqqət yetirir. Bu istiqamətdə ölkəmizin təşəbbüsləri və beynəlxalq tərəfdaşlarla əməkdaşlıq mühüm əhəmiyyət daşıyır. O qeyd edib ki, Azərbaycan regional əməkdaşlıq layihələrinin həyata keçirilməsində fəal rol oynayır və bu layihələr həm region ölkələri, həm də Avropa üçün strateji əhəmiyyət kəsb edir.
Sonda Prezident İlham Əliyev Antonio Koştanın Azərbaycana səfərinin iki tərəfli münasibətlərin inkişafına mühüm töhfə verəcəyinə əminliyini ifadə edib. Bildirilib ki, bu səfər Azərbaycan ilə Avropa İttifaqı arasında qarşılıqlı əməkdaşlığın yeni mərhələyə qədəm qoymasına və gələcəkdə daha geniş sahələri əhatə etməsinə imkan yaradacaq.
YAP Xəzər rayon təşkilatının məsləhətçisi
Aida Əliyeva
