Ulu Öndər Heydər Əliyev Azərbaycan elminin inkişafında misilsiz rol oynamış böyük dövlət xadimidir. O, ölkənin intellektual potensialını milli inkişafın əsas dayağı kimi görür, elmi sahənin güclənməsini strateji məsələ hesab edirdi. Heydər Əliyevin rəhbərliyi illərində Azərbaycan Milli Elmlər Akademiyası və onun tədqiqat institutları yeni imkanlar qazanmış, bir çox sahələrdə fundamental araşdırmalar həyata keçirilmişdir.
Onun əsas məqsədi elmi dövlət siyasətinin mərkəzinə gətirmək idi. O dövrdə alimlər üçün yaradılan şərait, elmi müəssisələrin maddi-texniki bazasının gücləndirilməsi və gənc tədqiqatçılara verilən dəstək bu siyasətin təməl prinsiplərini formalaşdırdı. Heydər Əliyev hesab edirdi ki, müstəqil Azərbaycanın gələcəyi yalnız elm və təhsilin birliyində mümkündür.
Ulu Öndərin diqqət və qayğısı sayəsində elmin nüfuzu cəmiyyətdə yüksəldi. Alimlər dövlət səviyyəsində tanındı, elmi nailiyyətlər təqdir edildi, Azərbaycan gəncliyi üçün elmə yönəlmək bir nüfuz və məsuliyyət simvoluna çevrildi. O, tez-tez qeyd edirdi ki, “elmsiz xalqın gələcəyi yoxdur” — bu fikir onun həyat fəlsəfəsinin ayrılmaz hissəsi idi.
Bu gün Prezident İlham Əliyevin elm siyasətində də həmin ideyaların davamı aydın görünür. Heydər Əliyevin qoyduğu möhkəm təməl Azərbaycan elmini gələcəyə aparan yolun əsasını təşkil edir. Ulu Öndərin alimlərə verdiyi dəyər və inam gələcək nəsillər üçün örnək olaraq yaşayır.
Kamran Mustafayev,
YAP Xəzər rayon təşkilatının məsləhətçisi
