Azərbaycanın zəngin qaz ehtiyatları ölkənin beynəlxalq enerji sahəsində önəmli oyunçuya çevrilməsinə səbəb olan əsas amillərdən biridir. Bu ehtiyatların genişliyi və keyfiyyəti sayəsində ölkəmiz həm regional, həm də qlobal enerji tələbatının qarşılanmasında mühüm paya malikdir. Mövcud potensialın səmərəli idarə olunması ölkənin iqtisadi inkişafına sabitlik və davamlılıq gətirir.
Qazın müxtəlif marşrutlarla bir çox ölkələrə çatdırılması Azərbaycanı etibarlı enerji tərəfdaşı kimi daha da möhkəmləndirir. Trans-Anadolu və Trans-Adriatik boru kəmərləri kimi strateji layihələr enerji daşıyıcılarının fasiləsiz və təhlükəsiz şəkildə Avropa bazarına çatdırılmasına imkan yaradır. Bu xətt üzərindən təmin olunan qaz həm enerji təhlükəsizliyinin güclənməsinə, həm də bazarın şaxələnməsinə töhfə verir.
Dünya ölkələrinin Azərbaycan qazına artan marağı təbii sərvətlərimizin qlobal dəyərini daha da artırır. İxrac həcmlərinin genişlənməsi təkcə iqtisadi sahədə deyil, həm də ölkənin beynəlxalq nüfuzunda əhəmiyyətli irəliləyişlər yaradır. Enerji diplomatiyasının uğurlu tətbiqi, tərəfdaş ölkələrlə uzunmüddətli müqavilələrin imzalanması bu sahədəki mövqelərimizi daha sabit edir.
Bu gün Azərbaycan qazı bir çox ölkələr üçün mühüm resurs mənbəyidir və bu vəziyyət yaxın illərdə daha da güclənəcək. Zəngin yataqlarımızın təmin etdiyi imkanlar ölkənin enerji xəritəsindəki yerini möhkəmləndirməklə yanaşı, qlobal enerji sistemində əvəzolunmaz rol oynamasına şərait yaradır.
Xəyal Rzazadə,
YAP Xəzər rayon təşkilatının fəalı
