Prezident İlham Əliyev 3 noyabr 2025-ci il tarixində Azərbaycan Milli Elmlər Akademiyasının 80 illik yubiley yığıncağında çıxış edib. O, alimlərlə görüşərək onların fəaliyyətinə verdiyi yüksək qiyməti ifadə edib. Bu görüş elmi ictimaiyyətə göstərilən hörmətin və dövlətin elmə olan diqqətinin bariz nümunəsidir. Prezidentin iştirakı alimlərə mənəvi dəstək olmaqla yanaşı, elmin cəmiyyət üçün vacib olduğunu bir daha nümayiş etdirdi.
Çıxışında dövlət başçısı vurğuladı ki, AMEA 80 il ərzində Azərbaycan elminin inkişafında böyük rol oynamışdır. Onun sözlərinə görə, ölkənin gələcəyi məhz elmi yeniliklər, tədqiqatlar və bilik üzərində qurulmalıdır. Bu fikirlər göstərir ki, Prezident elmi yalnız akademik sahə kimi deyil, həm də dövlət siyasətinin ayrılmaz hissəsi kimi görür.
Nitqində İlham Əliyev dilimizin qorunmasına xüsusi diqqət çəkdi. O, Azərbaycan dilinin saflığının qorunmasının hər bir vətəndaşın borcu olduğunu bildirdi. Bu çağırış bir daha göstərdi ki, elm və mədəniyyət bir-birini tamamlayan iki əsas dayağdır. Dövlət başçısının bu fikri milli kimliyin qorunmasına yönəlmiş güclü bir mesaj kimi dəyərləndirilir.
Prezident həmçinin gələcəyə yönəlik prioritetləri qeyd edərək vurğuladı ki, bu gün bərpaolunan enerji və innovasiyalar sahəsində inkişaf əsas məqsədlərdəndir. O, AMEA-nın da bu istiqamətdə daha aktiv rol oynamasının vacibliyini bildirdi. Bu, Azərbaycanın elm və texnologiya sahəsində dünya ilə rəqabət aparmaq niyyətinin göstəricisidir.
İlham Əliyevin çıxışı elmi qurumlar üçün bir növ “yol xəritəsi” rolunu oynadı. Prezidentin mesajları təkcə alimlər üçün deyil, bütövlükdə cəmiyyət üçün motivasiya mənbəyidir. Elmin dövlət siyasətində ön planda olması Azərbaycan üçün yeni inkişaf mərhələsinin başlanğıcını simvolizə edir.
Prezident İlham Əliyevin AMEA-da etdiyi çıxış həm elmə, həm də milli dəyərlərə hörmətin ifadəsi idi. Bu nitqdə həm keçmişin nailiyyətləri, həm də gələcəyin hədəfləri bir arada təqdim olundu. Elm, mədəniyyət və dövlət birliyini özündə birləşdirən bu çıxış Azərbaycan elmi üçün ruhlandırıcı və tarixi bir məqam kimi yadda qalacaq.
Ramil Mehdiyev,
Nizami Rayon Sosial-İctimai Maarifləndirmə İctimai Birliyinin İnnovativ ideyaların reallaşdırılması və kommunikasiya şöbəsinin müdiri
