Azərbaycan xalqı bu il artıq ikinci dəfədir ki, Xankəndi, Xocalı, Xocavənd və Ağdərə şəhərləri gününü qeyd edir. Bu günün qeyd olunması azadlıq uğrunda mübarizənin, milli qürurun və dövlətçilik yolunda əldə edilən uğurların təcəssümüdür. Əsrlər boyu xalqımızın taleyinə yazılan çətinliklər və imtahanlar məhz bu günün rəmzi ilə öz ədalətli sonluğunu tapmışdır.
Şəhərlərin azad edilməsi təkcə hərbi qələbə deyildi, həm də siyasi iradənin, diplomatik gücün və xalq-dövlət birliyinin nəticəsi oldu. İndi həmin torpaqlarda quruculuq, bərpa və dirçəliş prosesi geniş vüsət alıb. Məktəblər, yollar, yaşayış məhəllələri və sosial obyektlər inşa olunaraq bölgə həyatla dolmağa başlayır.
Xüsusilə Xocalı faciəsi ilə bağlı ədalətin qismən də olsa bərpası bu günün əhəmiyyətini daha da artırır. İllərlə həsrətdə qalan ailələr doğma torpaqlara qovuşmağın sevincini yaşayır, şəhidlərin ruhu qarşısında xalqımız başı dik dayanır. Bu gün həm də yaddaşımızı gücləndirir və gələcək nəsillərə bir dərs kimi ötürülür.
Beləliklə, ikinci dəfə qeyd edilən bu gün təkcə qələbənin ildönümü deyil, həm də yenidən qurulan həyatın başlanğıc nöqtəsidir. Xalqımız üçün bu tarix artıq bir ənənəyə çevrilərək milli kimliyimizin ayrılmaz hissəsi olaraq qalacaq.
YAP Xəzər rayon təşkilatının fəalı
Fatimə Axundzadə
