Bu gün SİMA İmza istifadəçilərinə səhvən bildirişlər gedib. Bu barədə vətəndaşlar sosial şəbəkələrdə paylaşımlar ediblər. Bəziləri hətta bildiriş mesajlarının bir neçə dəfə gəldiyini qeyd ediblər.
Reportyorinfo.az xəbər verir ki, məsələ ilə bağlı SİMA açıqlama yayıb.
Bildirilib ki, bu hal səhvən baş verib: “Hörmətli SİMA İmza istifadəçiləri, nəzərinizə çatdıraq ki, SİMA İmza tətbiqində bildiriş funksionallığının təkmilləşdirilməsi ilə bağlı bir sıra dəyişikliklər həyata keçirilir. Təkmilləşdirmə prosesi çərçivəsində bəzi istifadəçilərə səhvən test məqsədli bildirişlər göndərilib. Yaranmış narahatlıq üçün üzr istəyirik”.
