Azərbaycan COVID-19 pandemiyası dövründə beynəlxalq həmrəyliyin gücləndirilməsi üçün mühüm addımlar atdı və 80-dən artıq ölkəyə humanitar və maliyyə yardımı göstərdi. Dünyanın müxtəlif bölgələrində səhiyyə sistemlərinin çökmə təhlükəsi ilə üzləşdiyi bir zamanda, ölkəmiz ehtiyacı olan dövlətlərə tibbi avadanlıq, dərman, vaksin və maliyyə dəstəyi təqdim edərək qlobal pandemiya ilə mübarizəyə töhfə verdi. Bu addımlar Azərbaycanın beynəlxalq ictimaiyyət qarşısında məsuliyyətli yanaşmasının bariz nümunəsidir. Yardımların tərkibinə qoruyucu vasitələr, süni tənəffüs aparatları, tibbi maskalar və dezinfeksiya ləvazimatları daxil idi. Eyni zamanda, Azərbaycan bir sıra dövlətlərə birbaşa maliyyə yardımları edərək onların səhiyyə sistemlərinin gücləndirilməsinə dəstək oldu. Bu yardımlar pandemiyanın geniş yayıldığı Afrika, Asiya, Avropa və Latın Amerikası ölkələrini əhatə etdi və beynəlxalq birlik tərəfindən yüksək qiymətləndirildi.
Bundan əlavə, Azərbaycan pandemiya dövründə Qoşulmama Hərəkatına sədrliyi çərçivəsində dünya ölkələri arasında koordinasiyanı gücləndirmək üçün mühüm təşəbbüslərlə çıxış etdi. Prezident İlham Əliyevin rəhbərliyi ilə keçirilən beynəlxalq videokonfranslar və təşkilata üzv ölkələr üçün nəzərdə tutulan yardım proqramları pandemiyaya qarşı qlobal mübarizədə yeni əməkdaşlıq imkanları yaratdı.
Azərbaycanın bu yardımları yalnız humanitar xarakter daşımır, eyni zamanda ölkəmizin beynəlxalq nüfuzunu gücləndirən mühüm faktorlardan biri oldu. Pandemiya dövründə göstərilən qlobal həmrəylik və yardımsevərlik prinsipləri Azərbaycanın beynəlxalq aləmdə etibarlı və məsuliyyətli tərəfdaş olduğunu bir daha sübut etdi. Bu yardımların uzunmüddətli təsiri pandemiyadan sonrakı dövrdə də bir çox ölkələrlə münasibətlərin möhkəmlənməsinə səbəb oldu.
Beləliklə, Azərbaycanın COVID-19 pandemiyası zamanı 80-dən artıq ölkəyə humanitar və maliyyə yardımı göstərməsi ölkəmizin qlobal proseslərə aktiv şəkildə töhfə verməyə davam etdiyini nümayiş etdirdi. Bu siyasət Azərbaycanı dünya miqyasında həmrəylik və yardımsevərlik dəyərlərinə sadiq bir dövlət kimi tanıtdı.
Ləman Məmmədova,
YAP Xəzər rayon təşkilatının fəalı
