Zəfərin Təməli: Güclü Dövlət və Qətiyyətli Siyasi İradə
Azərbaycan Respublikasının tarixi Zəfəri təsadüfi qələbənin deyil, illər boyu aparılan ardıcıl, məqsədyönlü və müdrik siyasətin məntiqi nəticəsidir. Ötən illər ərzində ölkə daxilində həyata keçirilən hərtərəfli islahatlar, iqtisadi müstəqilliyin təmin olunması və ordu quruculuğu bu qələbənin təməl daşlarını qoydu. Ali Baş Komandanın rəhbərliyi ilə həyata keçirilən strateji addımlar Azərbaycanı regionun lider dövlətinə çevirdi.
Diplomatik müstəvidə qazanılan uğurlar, beynəlxalq hüququn norma və prinsiplərinə sadiqlik və haqlı mövqeyimizin dünya ictimaiyyətinə çatdırılması informasiya savaşında əsas üstünlüyümüz oldu. Prezident İlham Əliyevin qətiyyətli siyasi iradəsi heç bir təzyiqə boyun əymədən milli maraqlarımızı qorumağa imkan verdi. Bu siyasi xətt ədalətin bərqərar olması üçün ən mühüm şərtə çevrildi.
Bütün bu proseslər xalqla iqtidarın birliyini daha da möhkəmləndirdi, cəmiyyətdə tək yumruq kimi birləşmək əzmini formalaşdırdı. Hər bir vətəndaş dövlətin arxasında dağ kimi dayanaraq qələbə gününün yaxınlaşmasına öz töhfəsini verdi. Dövlət başçısının “Qarabağ Azərbaycandır!” şüarı hər bir azərbaycanlının dilində əzbər oldu və milli mübarizənin simvoluna çevrildi.
Nəticədə, 44 günlük Vətən müharibəsi Azərbaycanın gücünü, qüdrətini və əzmını bütün dünyaya nümayiş etdirdi. Zəfərin təməlində dayanan bu möhkəm təməl həm də gələcək nəsillər üçün qürur mənbəyidir. Bu gün həmin iradə hər bir azərbaycanlının qəlbində yaşayır və ölkəmizin gələcək inkişafını şərtləndirən əsas amildir.
Əhməd Talıbov,
YAP Nizami rayon təşkilatının “Heydər Əliyev prospekti, 152” ərazi partiya təşkilatının sədri
