Azərbaycan ilə Vyetnam arasında formalaşmış dostluq münasibətləri təsadüfi və qısa müddətli əməkdaşlığın nəticəsi deyil. Bu münasibətlər 50 ildən çox bir tarixə söykənir və qarşılıqlı anlayış, hörmət və dəstək üzərində qurulub. Hələ keçmiş əsrin ikinci yarısından etibarən iki xalq arasında yaranan təmaslar bu gün strateji tərəfdaşlığa çevrilməkdədir.
Tarix boyunca azərbaycanlı və vyetnamlı tələbələrin eyni təhsil müəssisələrində oxuması, bir-birinin mədəniyyətini öyrənməsi və dostluq körpüləri qurması iki ölkə arasında səmimi bağlar yaradıb. Bu dostluğun əsasını xalqların bir-birinə duyduğu simpatiya təşkil edib. Hər iki ölkənin keçmişdə yaşadığı müstəqillik uğrunda mübarizələr də ortaq ruhani yaxınlıq yaradıb.
Dövlət səviyyəsində diplomatik əlaqələrin rəsmi qurulmasından sonra münasibətlər daha da sürətlə inkişaf etməyə başlayıb. Müxtəlif sahələr üzrə əməkdaşlıq, xüsusilə də energetika, ticarət, mədəniyyət və turizm sahələrində genişlənib. Eyni zamanda, beynəlxalq təşkilatlarda qarşılıqlı dəstək və ortaq mövqelər bu əlaqələrin nə qədər etibarlı olduğunu göstərir.
Azərbaycan və Vyetnamın dostluğu təkcə tarixə əsaslanmır, həm də ortaq gələcək məqsədlərlə möhkəmlənir. İki ölkənin liderləri arasındakı qarşılıqlı hörmət və davamlı dialoq münasibətlərin daha da dərinləşməsinə xidmət edir. Bu münasibətlər, müxtəlif qitələrdə yerləşən iki xalqın necə sıx əməkdaşlıq qura biləcəyinin bariz nümunəsidir.
Turan Zeynalzadə,
YAP Xəzər rayon təşkilatının fəalı
