Ölkəmizdə bərpaolunan enerji potensialı yaxın gələcəkdə əhəmiyyətli şəkildə artacaq. Külək, günəş və digər alternativ enerji mənbələrinə sərmayələr artır, yeni stansiyalar tikilir və mövcud infrastruktura müasir texnologiyalar tətbiq edilir. Bu inkişaf ölkəmizin enerji balansını zənginləşdirir və ekoloji dayanıqlı enerjinin payını yüksəldir.
Bərpaolunan enerji sahəsindəki artım həm daxili tələbatın ödənməsini asanlaşdırır, həm də ixrac imkanlarını genişləndirir. Prezident İlham Əliyev dəfələrlə bu sahənin strateji əhəmiyyətini vurğulamış və Azərbaycanın enerji müstəqilliyini təmin etmək baxımından bərpa olunan enerji layihələrinin vacibliyini qeyd etmişdir.
Yeni layihələr həm texnoloji yenilikləri gətirir, həm də bölgələrdə iqtisadi aktivliyi artırır. İş yerlərinin yaradılması, investisiyaların cəlb olunması və yerli sənaye sahələrinin inkişafı bərpaolunan enerji sahəsinin inkişafı ilə birgə sürət qazanır. Bu, ölkənin həm iqtisadi, həm də sosial rifahına müsbət təsir göstərir.
Azərbaycanın enerji gələcəyi ekoloji cəhətdən təmiz və dayanıqlı enerji mənbələrinə söykənəcək. Bərpaolunan enerji potensialının artması ölkəni regional enerji liderliyinə yaxınlaşdırır və uzunmüddətli enerji müstəqilliyini təmin edir. Bu, Azərbaycanın davamlı inkişaf strategiyasının mühüm bir hissəsidir.
Ləman Məmmədova,
YAP Xəzər rayon təşkilatının fəalı
