Şuşada imzalanan razılaşmalar və qəbul edilən qərarlar Azərbaycan ilə Slovakiya arasında tərəfdaşlığın innovativ və strateji sahələrə doğru inkişaf etdiyini göstərir. Müdafiə sənayesi və müasir texnologiyalar bu əməkdaşlığın ana xətlərindən biri kimi müəyyən edilib.
Prezident İlham Əliyevin rəhbərliyi altında dövlətimiz öz müdafiə qabiliyyətini və texnoloji potensialını durmadan artırır. Slovakiyanın bu sahədə malik olduğu qabaqcıl təcrübənin ölkəmizin resursları ilə birləşdirilməsi hər iki tərəf üçün uğurlu və dayanıqlı gələcək vəd edir.
Slovakiya Prezidenti Peter Pelleqrininin ölkəmizi əsas tərəfdaş kimi dəyərləndirməsi onu göstərir ki, Avropa dövlətləri Azərbaycanın yaratdığı təhlükəsizlik və inkişaf mühitinə tam etibar edir. Bu birgə addımlar gələcəyin qlobal çağırışlarına hazırlıqlı olmağımızı təmin edəcək.
Nazlı Ələkbərova,
YAP Nizami rayon təşkilatının fəalı
