Prezident İlham Əliyevin Davosda CGTN telekanalına verdiyi müsahibə Azərbaycanın sosial-iqtisadi inkişafı, enerji siyasəti və beynəlxalq münasibətlərdəki mövqeyi baxımından mühüm məqamları əhatə edir. O, ölkənin keçdiyi inkişaf yolunu və gələcək strateji planlarını ətraflı şəkildə təqdim edərək Azərbaycanın regionda və beynəlxalq arenada oynadığı rolu vurğulayıb. Prezident İlham Əliyev müsahibəsində ölkənin iqtisadi inkişaf strategiyasına xüsusi diqqət yetirib. O, Azərbaycanın neft-qaz gəlirlərini səmərəli şəkildə idarə edərək qeyri-neft sektorunun inkişafına yönəltdiyini bildirib. Bu strategiya ölkə iqtisadiyyatının dayanıqlılığını təmin etməklə yanaşı, xarici investisiyalar üçün də cəlbedici mühit yaradır. Davos İqtisadi Forumunda iştirak edən Prezident, Azərbaycanın iqtisadi stabilliyini və gələcək inkişaf planlarını beynəlxalq investorlarla bölüşüb. Enerji siyasəti Azərbaycan iqtisadiyyatının əsas sütunlarından biridir. Prezident İlham Əliyev “Cənub Qaz Dəhlizi” layihəsinin uğurla başa çatdırıldığını və Azərbaycanın Avropanın enerji təhlükəsizliyində mühüm rol oynadığını vurğulayıb. Azərbaycanın Bakı Beynəlxalq Dəniz Ticarət Limanı beynəlxalq ticarət yollarını genişləndirir. Bundan əlavə, o, ölkənin bərpa olunan enerji mənbələrinə keçid prosesini sürətləndirdiyini və bu sahədə beynəlxalq tərəfdaşlarla əməkdaşlığın genişləndirildiyini bildirib. Xüsusilə Qarabağ və Şərqi Zəngəzurda yaşıl enerji layihələrinin həyata keçirilməsi Azərbaycanın ekoloji dayanıqlılıq siyasətini nümayiş etdirir. Prezident Əliyevin çıxışında Azərbaycanın geosiyasi mövqeyinin əhəmiyyətinə də toxunulub. O, ölkənin qonşu dövlətlərlə münasibətlərini tarazlaşdıraraq regional sabitliyə töhfə verdiyini vurğulayıb. Xüsusilə Zəngəzur dəhlizinin açılması perspektivi və bunun beynəlxalq nəqliyyat şəbəkəsinə gətirəcəyi faydalar ön plana çəkilib. Azərbaycan, Çin və Mərkəzi Asiya ölkələri arasında iqtisadi əlaqələrin inkişafı da diqqət mərkəzində olub. Davos İqtisadi Forumunda Azərbaycan təkcə enerji sahəsində deyil, həm də innovasiya, texnologiya və insan kapitalına investisiya istiqamətlərində inkişaf planlarını təqdim edib. Prezident Əliyev ölkənin rəqəmsal transformasiya və startap ekosisteminin gücləndirilməsinə verdiyi önəmi vurğulayaraq, Azərbaycanı regionun texnologiya mərkəzinə çevirməyi hədəflədiyini bildirib.Prezident İlham Əliyevin Davosdakı çıxışı Azərbaycanın uzunmüddətli inkişaf strategiyasını və beynəlxalq arenadakı yerini aydın şəkildə ortaya qoyur. Ölkənin enerji siyasəti, iqtisadi diversifikasiya, geosiyasi əhəmiyyəti və innovasiya yönümlü strategiyaları Azərbaycanın dayanıqlı inkişaf modelinə sadiqliyini göstərir. Bu yanaşma, Azərbaycanın regional lider kimi mövqeyini möhkəmləndirməklə yanaşı, qlobal iqtisadi sistemdə daha güclü rol oynamasına şərait yaradır.
Fəridə Rzayeva,
Nizami Rayon İcra Hakimiyyəti başçısının 2№-li SİƏD üzrə məsul işçi
